林欣彤情傷未愈再拍拖有保留

0
37

歌手林欣彤昨日到電台宣傳新歌《失戀的人站起來》,指新歌是其寫照,安慰失戀者,她說:「我安慰人唔會叫佢唔好諗,反而叫佢喊晒出嚟發洩一場。自己失戀都係咁,喊晒為止,唔會扮冇嘢呃自己。」她表示試過失戀時最厲害是連喊數小時,喊足幾日喊到眼腫,並笑說:「我有個經驗之談,雪凍匙羹敷眼對消腫有幫助。」問到若遇上衰人,失戀會否冇咁傷?她笑說:「就算係衰人都會喊,你由得佢做衰人,即係好愛佢。」

林欣彤認為失戀者應要盡情喊、盡情發洩。

講到現在的愛情觀,林欣彤承認不會再像年輕時那樣勇敢:「自己有段長時間冇拍拖,都諗如果再拍拖,但又未去到結婚,會睇耐啲先,唔會全副心機放晒落去,因為唔夠膽、嚇怕咗,如果真係冇咗就太傷喇!」提到最近與健身教練傳緋聞,她表示只是去做運動時碰面,大家不會有避忌。

anyShare分享到: